Кеңестің кезекті отырысы

Кеше Қазақстан Республикасы Президентінің Әкімшілігі Басшысының орынбасары Т.С.Донақовтың төрағалығымен Қазақстан Республикасы Президентінің жанындағы Құқықтық саясат жөніндегі кеңестің кезекті отырысы болып өтті. Кеңестің отырысында «Қа­зақ­стан Республикасының кейбір заңнамалық актілеріне заңды тұлғалардың қылмыстық жауапкершілігін енгізу мәселесі бой­ынша өзгерістер мен толық­т­ы­ру­лар енгізу туралы» Заңның жо­басына қатысты мәселе қаралды. Сондай-ақ қылмыстық істер бойынша сотқа дейінгі іс жүр­гізуді әрі қарай жетілдіру жө­нін­дегі шаралар туралы мәселе қа­растырылды. Аталған мәселелер бойынша Экономикалық және сыбайлас жем­қорлықпен күрес агентті­гі­нің және Парламент Мәжілісінің Заңнама және сот-құқықтық реформа жөніндегі комитетінің, сондай-ақ Қазақстан Республи­ка­сы Бас прокуратурасының ақ­параттары тыңдалды. Құқықтық саясат жөніндегі кеңестің өткізген отырысының ұсыныстары Қазақстан Респуб­ли­касындағы заңнаманы және құқық қолдану қызметін әрі қа­рай жетілдіруде ескерілетін бо­ла­ды, деп хабарлады Қазақстан Рес­пуб­ликасы Президентінің Әкім­шілігі Мемлекеттік-құқық бөлімі.