Навигация жол нұсқайды

2017 жылғы қысқы Универсиада қарсаңында Алматыда қосымша тағы 300-ден аса ақпараттық-көрсету жол белгісі орнатылды. Универсиада дирекциясы хабарлап отырғандай, спорттық нысандар мен осы нысандарға дейін жүретін көлік қозғалысының бағыты туралы жеке жобалау  белгілеріндегі ақпарат қазақ, орыс және ағылшын тілдерінде көрсетілген. Жол белгілерінің дизай­нында жарыстардың бекітіл­ген логотипі және өткізілетін жарыс түрлеріне сәйкес спорт­тық нысандардың пикто­граммалары бейнеленген. Жол бағытын көрсететін белгілер спорттық ғимараттарға, кө­лік инфрақұрылым нысан­дары­на (темір жол вокзалдары және «Алматы» халықаралық әуе­жайы), демалу орындарына, сондай-ақ, Универсиада спорт­­шылары мен қонақ­тары жай­­ғасатын орындарға дейін жеткізетін оңтайлы жол­сапар бағыттарында орналас­тырылған. Сондай-ақ, навигация жү­йе­сіне №4 қалалық клини­ка­лық емхана, №7 қалалық клини­калық емхана, жедел жәрдем көрсету емханасы және орталық қалалық клиника­лық емхана секілді Алматы­ның медициналық мекемелері енгізіліп, ғимараттардың қас­беті Универсиада-2017 ныша­нында безендірілді. Болжамға сәй­кес, Уни­версиада қатысушыларының 90 пайызы тікелей рейспен Алматының халықаралық әуе­жайына ұшып келмек. Студент­тік ойындардың қонақтарына жол көрсету үшін әуе айлағының ғимаратында ақпараттық үстел­дер қойылған, онда жалпы көлік қызметі, ұшып келу және аттану кезіндегі тасымалдау кестесі, Универсиада ресми көлі­гінің қозғалыс бағыты туралы ақпарат алуға болады. Сондай-ақ, мұндай үстелдер «Алматы-1», «Алматы-2» темір ­жол вокзалдарында да қы­змет жасамақ. Сонымен қатар, Атлеттер ауылына апаратын жолдың қауіп­сіз­дігін қамтамасыз ету үшін «Алматы Арена» спорт ке­ше­нін­ің оңтүстігінде Б.Мо­мыш­­ұлы көшесі бойында бағдар­шам орнатылды. Ал «Алматы Арена» спорт кешенінің сол­түс­тігінде бос орындардың бар-жоқтығын көрсететін элект­рон­дық табломен жабдық­тал­ған қосымша көлік тұрағы орналасқан. Қайрат ЖҮНІСҰЛЫ