Қостанайлық белгілі суретші Георгий Соковтың кезекті көрмесі оның көрермендерін таңғалдырды. Л.Толстой атындағы облыстық әмбебап кітапхананың кең фойесінде ашылған көрмеге келушілер суретшінің пленэрлік жұмыстарын тамашалады. Оқушы дәптерінің бір парағындай көлемдегі форматтармен ұсынған этюд жанрындағы пейзаждар көрермен көңіліне жылы шуақ сепкендей болады. Туған өлкенің көріністері, тіршілігі көз алдыңа келеді. Тобыл бойының ұзақ қысының қытымыр ауасын, қырмызы көктемдегі гүлдің, ағаш бүршігінің иісін, жайдары жаздың ыстығын, алтын күз лебін сезінгендей боласың.
– Біз көрмені дайындау барысында Георгий Михайлович бұрынғысынша рамкаға салған үлкен суреттер әкеледі ғой деп күткенбіз. Кішкентай, бір параққа салған суреттерді көргенде не айтарымызды білмедік, ал саны қырықтан асатын суреттер келушілерді соншалықты қызықтырды, – дейді кітапхананың өнер бөлімінің қызметкері Ләззат Жақсылықова.
Қостанай өңіріне танымал суретші Георгий Соковтың шығармашылығымен таныс адамға оның қолтаңбасы бірден көзге ұрады. Негізінен, кескіндеме, графика жанрында көптеген шығармалар жазған қылқалам шебері әр жұмысына терең философиялық тақырыптарды арқау етеді және портреттер салатын.
– Мен пейзаж салмаймын, ғұмырымда ол тақырыпқа салған суретім үш-төртеу ғана десем болады. Оны да достардың өтінішімен салған едім. Ал бұл жолғы пленэрлік суреттерді менің «қойын дәптерім» десем болады. Туған өлкенің табиғаты да, адамдары да ғажап. Мен, мысалы, Қостанай көшесінде кетіп бара жатып, өзімнің назарымды қатты аударған көріністерді отыра қалып жазам да, ол суретті сақтап қоя беремін. Ол менің ең көп дегенде 20 минут ғана уақытымды алады. Бұл суреттерден қостанайлықтар туған жер тынысын бірден таниды деп білемін, – дейді Георгий Михайлович.
Суретшінің көп жылдардан бері салып келе жатса да, көпшілік назарына алғаш ұсынып отырған пленэрлік жұмыстарының тақырыбы әр жылдарды, уақыт өзгерістерін де қамтиды. Астасқан алуан түрлі бояу көрерменін ойға жетелейді.
Нәзира ЖӘРІМБЕТОВА,
«Егемен Қазақстан»
ҚОСТАНАЙ
Қостанайлық белгілі суретші Георгий Соковтың кезекті көрмесі оның көрермендерін таңғалдырды. Л.Толстой атындағы облыстық әмбебап кітапхананың кең фойесінде ашылған көрмеге келушілер суретшінің пленэрлік жұмыстарын тамашалады. Оқушы дәптерінің бір парағындай көлемдегі форматтармен ұсынған этюд жанрындағы пейзаждар көрермен көңіліне жылы шуақ сепкендей болады. Туған өлкенің көріністері, тіршілігі көз алдыңа келеді. Тобыл бойының ұзақ қысының қытымыр ауасын, қырмызы көктемдегі гүлдің, ағаш бүршігінің иісін, жайдары жаздың ыстығын, алтын күз лебін сезінгендей боласың.
– Біз көрмені дайындау барысында Георгий Михайлович бұрынғысынша рамкаға салған үлкен суреттер әкеледі ғой деп күткенбіз. Кішкентай, бір параққа салған суреттерді көргенде не айтарымызды білмедік, ал саны қырықтан асатын суреттер келушілерді соншалықты қызықтырды, – дейді кітапхананың өнер бөлімінің қызметкері Ләззат Жақсылықова.
Қостанай өңіріне танымал суретші Георгий Соковтың шығармашылығымен таныс адамға оның қолтаңбасы бірден көзге ұрады. Негізінен, кескіндеме, графика жанрында көптеген шығармалар жазған қылқалам шебері әр жұмысына терең философиялық тақырыптарды арқау етеді және портреттер салатын.
– Мен пейзаж салмаймын, ғұмырымда ол тақырыпқа салған суретім үш-төртеу ғана десем болады. Оны да достардың өтінішімен салған едім. Ал бұл жолғы пленэрлік суреттерді менің «қойын дәптерім» десем болады. Туған өлкенің табиғаты да, адамдары да ғажап. Мен, мысалы, Қостанай көшесінде кетіп бара жатып, өзімнің назарымды қатты аударған көріністерді отыра қалып жазам да, ол суретті сақтап қоя беремін. Ол менің ең көп дегенде 20 минут ғана уақытымды алады. Бұл суреттерден қостанайлықтар туған жер тынысын бірден таниды деп білемін, – дейді Георгий Михайлович.
Суретшінің көп жылдардан бері салып келе жатса да, көпшілік назарына алғаш ұсынып отырған пленэрлік жұмыстарының тақырыбы әр жылдарды, уақыт өзгерістерін де қамтиды. Астасқан алуан түрлі бояу көрерменін ойға жетелейді.
Нәзира ЖӘРІМБЕТОВА,
«Егемен Қазақстан»
ҚОСТАНАЙ
Соңғы жаңалықтар
Астана мен Алматы ақша айырбастау орындарында доллар бағамы қандай?
Қаржы • Бүгін, 10:18
Қазақстанда қай жолдар жабық тұр?
Аймақтар • Бүгін, 09:45
Бүгін еліміздің басым бөлігінде дауылды ескерту жарияланды
Ауа райы • Бүгін, 09:25
Қоғам • Бүгін, 09:15
Адам капиталы – Конституция жобасының басымдығы
Реформа • Бүгін, 09:10
Жауапкершіліктің айқын көрінісі
Реформа • Бүгін, 09:07
Аймақтар • Бүгін, 09:05
Саясат • Бүгін, 09:03
Пікір • Бүгін, 09:00
Арал табанын қалай оазиске айналдырамыз?
Талбесік • Бүгін, 08:55
Экспорт • Бүгін, 08:50
Шаруашылық • Бүгін, 08:45
Ауыл кәсіпкерлеріне қомақты көмек
Аймақтар • Бүгін, 08:40
Атаулы жылда қандай шаралар жүзеге асады?
Digital • Бүгін, 08:35
Цифрлық мүмкіндік – әскер әлеуетінің өзегі
Айбын • Бүгін, 08:30
