Италия үздік ондықтан үмітті

Италияның спортшы сту­дент­тері Универ­сиа­да-2017 кезінде жалпы­командалық есепте үздік ондық­тың қатарына енетін­деріне сеніп отыр. Алматыда өтетін XXVIII Дүние­жүзілік қысқы Универсиадаға Ита­лия­ның спорт делегациясы құра­мында 62 спортшы қатысады. Ко­ман­­да Италияның шаңғы спорты феде­­ра­циясының қатаң бақы­лауы­мен дайындықтар жүргізген екен. Бұл елдің спортшылары дәстүрлі түрде тау шаңғысы және конькимен жүгіру, фристайл және мәнерлеп сырғанау секілді спорт түрлерінде басым саналады, сондықтан осы жарыстарда жоғары марапаттар үшін күресетін болады. Италияның жастары Универсиада-2017 кезінде жал­пы­командалық есепте үздік он­дық­тың қатарына енуден үмітті. Алдыңғы универсиадаларда Ита­лия осындай жоғары рейтингке жетіп, ойындарға қатысып отырған бүкі­л кезең ішінде сол орнын сақтап келеді. Италия құрамасының делегация басшысы Еугенио Меччиоз басты қар­сы­ластары ретінде Швейцария, Фран­ция және Австрияны атап отыр. Универсиаданы өткізіп отыр­­ған Қазақстан елі италиялық спорт­­шы­ларға біршама таныс. Бірнеше жыл бұрын Италия студенттік спорт қауым­­дастығының спортшылары мен өкілдері Қазақстанда коньки­мен жүгіру спортынан өткен халық­ар­а­лық жарыс­тарға қатысқан болатын. Италия спортшылары Алматы­дағы жарыстарға қатысатын барлық елдердің ойыншыларына «BUONA FORTUNA!» дейді.