Қатар елшісін қабылдады

Парламент Сенатының Төрағасы Қасым-Жомарт Тоқаев Қатар Мемлекетінің Қазақстандағы елшісі Ахмад әл-Тамимиді оның өтініші бойынша қабылдады, деп хабарлады Сенаттың баспасөз қызметі. Төраға дипломатты Қа­зақ­­­стандағы қызметінің бас­­талуы­мен құттықтады жә­не оның жұмысы табысты болуы­на тілектестігін біл­дір­ді. «Қа­зақ­стан әлемдік қоғам­дас­тық­тың ықпалды мүше­сі әрі қа­зіргі замандағы Таяу Шы­ғыс­тағы өркендеген мем­лекеттің бірі болып табылатын Қатармен өзара тиімді бай­ланыстарды дамытуға жә­не те­рең­детуге ерекше мән береді», – деді Қ.Тоқаев. Сенат Төрағасы Сирия­дағы жағдайды реттеу жөнін­дегі Астанада өтіп жатқан келіс­сөздердің теңдесі жоқ ерек­ше сипаты бар екенін атап көрсетті. Олар бір жағы­нан бұл шиеленісті рет­теуге бүкіл әлемдік қоғамдастықтың назары ауып отырғанын, екінші жағынан Қазақстан әлеуетінің және осынау күрделі істегі Елбасы Нұрсұлтан Назарбаевтың беделі мен әділ бітімгер ретінде мойындалғанын паш етті: «Біздің еліміз өзін әлемдік дипломатиядағы жетекші тұғырнамалардың бірі ретінде көрсетті», – деді Сенат басшысы. Қ.Тоқаевтың пікірінше, осы кездесулердің нәтижелері қандай болса да, Астана үдерістері бұл күрделі мәселе бойынша алдағы Женевадағы келіссөздерге елеулі серпін беретін болады.