Бүгін Астанада 2032 техника қар тазалауда

«Астана-Тазалық» ЖШС хабарлауынша, өткен тәулікте 52 мың текше метрден астам қар шығарылды. Қар жинау жұмыстары қаланың барлық аудандарында тәулік бойы жүргізіледі. Синоптиктердің болжамынша, ертең, 26 қаңтарда күн бұлтты болады, қар жауып, боран соғады. 9-14 м/с жылдамдықпен оңтүстік-батыстан шығысқа ауысқан жел соғады, кей жерлерде желдің екпіні 15-20 м/с жетеді. Түнде және күндіз ауа температурасы -5...-7°С болады. 27 қаңтарда күн ала бұлтты, жауын-шашынсыз болады. Оңтүстіктен 7-12 м/с жылдамдықпен жел соғады. Түнде ауа температурасы -14...-16°С, күндіз -8...-10°С болады.