Елбасы: Парламенттің рөлін күшейтеміз

Елбасы халыққа арнаған үндеуінде күрделі міндеттердің бірі ретінде билік тармақтары арасындағы қарым-қатынасты конституциялық деңгейде теңгерімді етуді атады. «Осы реформаның аясында Үкімет жасақтаудағы Парламеттің ролін күшейтеміз. Парламент сайлауында жеңген партия Үкімет құрамын анықтауға түбегейлі ықпал ететін болады. Бұл Министрлер кабинетінің өкілетті билігі алдындағы жауапкершілігін арттырады.Тиісінше биліктің заң шығарушы тармағының атқарушы билікке бақылауын күшейтетін болады», - деді Елбасы. Сонымен қатар, Президент: «Айтылған осы екі бағыттың қай-қайсысы да жауапкершілік пен кәсібилікті арттыру арқылы  Мемлекет басқарудың тиімділігін күшейтеді. Жұмыс тобы барлық сұрақтарды жан-жақты зерттеп, қоғамдық талқылауға шығару үшін ұсыныс жиынтығын әзірлеуі керек», деді.