ОҚО-да 2016 жылы әлеуметтік төлемдер үшін 19,6 млрд теңге аударылған

  Бұл туралы ОҚО Аймақтық коммуникациялар қызметінде өткен брифингте «Азаматтарға арналған үкімет» мемлекеттік корпорациясы коммерциялық емес акционерлік қоғамының филиалы ОҚО бойынша «Әлеуметтік төлемдерді ведомоствоаралық есептеу орталығы» департаменті директорының орынбасары Несібелі Қаражанова мәлімдеді. Мәселен, 2016 жылдың 12 айы ішінде республикалық бюджеттен 19,6 млрд теңге бөлініп, нәтижесінде, 943478 төлем түрін қаржыландыру мүмкін болған. «2016 жылы Мемлекеттік Әлеуметтік сақтандыру қорынан төленетін әлеуметтік төлемдер саны 63767-ні құрады. Ал оларды төлеу үшін қордан бөлінген қаржының мөлшері 16,5 млрд теңге болды», – деді департамент директорының орынбасары.   Бақтияр ТАЙЖАН, «Егемен Қазақстан» Оңтүстік Қазақстан облысы