ҚР Ұлттық банкінің төрағасы Данияр Ақышев 2016 жылдың қорытындысында жылдық инфляция 8,5 пайыздық деңгейде қалыптасқанын жария етті. Ол бұл жайында бүгін ҚР Ұлттық банкі жанындағы ақша-несие саясаты жөніндегі техникалық комитеттің қорытынды отырысында мәлімдеді, деп хабарлайды ҚазАқпарат.
ҚР ҰБ басшысының айтуынша, жаз айларында инфляция 17 пайыздан жоғары деңгейде болды. Ал небәрі 4 айдың ішінде оның 2 есеге төмендеуі Ұлттық банк жүргізіп отырған саясаттың дұрыс екендігінің көрсеткіші саналады.
Ақышевтың атап өтуінше, өзге орталық банктерге инфляцияны мұндай айтарлықтай төмендету үшін ұзақ уақыт қажет болар еді. Салыстыру үшін Ресей еркін бағам режіміне көшкеннен кейін инфляция деңгейін 10 айдың (2015 жылдың наурызы – 2016 жылдың қаңтары) ішінде 16,9 пайызға дейін ғана төмендете алды. Әзербайжанда 2015 жылдың желтоқсанындағы девальвациядан кейін инфляция біржақты мәнге дейін төмендеген жоқ. Ал соңғы айларда өсім (2016 жылдың желтоқсанында 15,7 пайыз) көрсетіп отыр.
Айта кетейік, биыл Қазақстандағы инфляцияның мақсатты дәлізі 6-8 пайыз деңгейінде белгіленген. ҚР Ұлттық банкі бағалауында таяу 1-2 айдың ішінде инфляция аталған дәліз шегінде болады және 2017 жыл бойы экономикаға тосын кері әсер болмаған жағдайда сақталады.
Соңғы жаңалықтар
«Сізге сәлемдеме келді»: Елімізде алаяқтықтың жаңа түрі пайда болды
Оқиға • Бүгін, 16:00
Қарағанды облысындағы өрт оқшауланды
Аймақтар • Бүгін, 15:53
Мүмкіндігі шектеулі жандарға 777 мыңнан астам әлеуметтік қызмет көрсетілген
Қоғам • Бүгін, 15:47
Алматыда «Ядролық ғылым және технологиялар» V халықаралық форумы өтіп жатыр
Ғылым • Бүгін, 15:31
Талғардағы жасөспірім өлімі: Жеті күдікті ұсталды
Оқиға • Бүгін, 15:14
Атырау облысында 8 гектар аумақта қамыс өртенді
Аймақтар • Бүгін, 15:01
