«Астана» футбол командасынан Рохер Каньяс кетуі мүмкін

«Астана» футбол клубының жартылай қорғаушысы Рохер Каньяс АПОЭЛ командасымен келіссөздер жүргізіп жатқаны белгілі болды. Жақын арада ол грекиялық ұжымның сапына ауысуы мүмкін. Бұл туралы АПОЭЛ ресми түрде мәлімдеді, деп хабарлайды vesti.kz. Бұған дейін Каньястың жарты жылға жалға берілетіні хабарланған еді. Алайда, кипрлік БАҚ-тың мәліметі бойынша, АПОЭЛ елордалықтармен бұл мәселені түбегейлі шешіп, фуболшымен толық келісімшартқа отырғанды жөн көріп отыр. «14:00 кезінде (Астана уақытымен 16:00) Кипрге «Астананың» жартылай қорғаушысы Рохер Каньяс келеді. Біздің команданың қатырына қосылу үшін келіссөздер жүргізеді», – деп ақпарат таратты бүгін АПОЭЛ-дің ресми туиттері. Айта кетейік, Рохер Каньяс «Астана» сапында 2014 жылдан бері ойнап келеді. Елордалық ұжыммен ол үш рет Қазақстан чемпионы атанған. Сонымен қатар, Чемпиондар лигасы мен Еуропа лигасында өнер көрсетті. «Астана» клубына ауысарға дейін ол екі жыл Қарағандының «Шахтер» командасында ойнады. Қарағандылықтармен ол 2012 жыл ел чемпионы атанған.. Жалпы 26 жастағы жартылай қорғаушы Қазақстан Премьер-лигасында 143 кездесу өткізіп, 19 голдың және 14 нәтижелі пастың авторы атанған.