Сауда үздігі – Семейде

Семейліктерді міне, қата­рынан үш жыл бойы 905 құрылыс ауданындағы «Елжан» сауда дүкені ерекше қуантып келеді. Бұл жерде күнделікті тұрмыстық қажеттілікке дайы­н дүниелер сатылумен қатар, ауыл шаруашылығының да өнім­дері халыққа тиімді бағада ұсынылған. Тіпті, осы жерде «Барлығы да рахмет үшін!» деп аталатын сауда нүктесі бар. Тұрғындар бұл жерден алғыс айтып, жағдайы жоқтары тегін киім-кешектер алуда. Әлеуметтік жоба аз қамтылған отбасылар мен көп балалы отбасыларға арналып отыр. Бәрін айт та, бірін айт, «Елжан» сауда үйінің директоры Ерлан Жақыпқа бүгінде ел риза. Оның дүкеніндегі елу кәсіпкер тұтынушылармен делдалдарсыз тікелей жұмыс істейді. Тіпті, саудаланатын өнімді сақ­­тауға, яғни сапа жағына да ерек­ше мән беріліп отыр. Ет жә­не сүт, картоп-көкөніс өнім­дері үшін үш тонналық мұз­дат­қыш камера жұмыс істейді. Осылайша, қарапайым халық­тың көңілінен шыға білген кәсіп­кер Ерлан Жақыпов Ұлттық экономика министрлігі және Сау­да-өнеркәсіп палатасының ұйым­дастыруымен өткен «Сауда үз­дігі» конкурсында жеңіске жетті. – Кәсіпкерлікті қолдап отыр­ған Үкіметке, мемлекетімізге рахмет, – деді Ерлан Жақып. – Сауда үйі әрі қарай да аясын кеңейтіп, жаңа жобаларды қолға алмақпыз. Осының бәрі ел игілігі үшін. Бұл жерде тігін цехы, бильярд ойын алаңы бар. Ауылдан қалаға келушілерге барлық жағ­дай жасалған. Жанында – асхана мен шаштараз. Осылардың барлығын ескере келе, «Үздік сау­да үйі» но­минациясында бірінші орынды ұйымдастырушылар бізге берді. Біздің ұжымының еңбегі жоғары бағаланды. Раушан НҰҒМАНБЕКОВА, журналист  СЕМЕЙ