Коммунистер де белсене қатысады

Қазақстан Коммунистік халық партиясы Орталық комитеті саяси бюросының кеңейтілген отырысы өтті. Онда Мемлекет басшысы Н.Ә.Назарбаевтың Қазақстанда мемлекеттік басқару жүйесін реформалау жөніндегі Үндеуі талқыланды.  Орталық комитет саяси бюро­сының мүшелері Елбасының ұсы­ныс­тарына қолдау білдірді және олар мем­лекеттік билік тармақ­тары ара­сын­да өкілеттіктерді қай­та бөлу қажет деген ортақ пікірге келді.  Пар­тия жетек­шілері, сондай-ақ, өкі­лет­тіктерді қайта бөлу мемлекеттік ор­ган­дар жұ­мы­сы­ның тиімділігін бағыт­тауға ар­нал­­ғанын атап өтті. Бірін­ші кезек­те, бұл билік­тің заң шы­ғару­шы және ат­қару­шы орган­дары­ның жауап­кер­шілігін күшейтеді. Коммунистердің пікірінше, аталған реформа саяси жүйенің тұрақтылығын арттырады, ал Парламент пен Үкіметтің рөлінің артуы қазіргі заманғы мем­лекеттік басқару жүйесінде тиім­ді механизм қалыптастыруға мүм­кіндік береді. Отырыста  партия өкіл­дері бүкілхалықтық талқылауға ұсы­ны­латын реформа жобасының ерек­шелік­теріне тоқтала келіп, бұл Қазақ­стан Тәуелсіздігінің бастапқы кезінде таңдалған демократиялық бағыттың жалғасы екенін атап өтті.  Отырыс қорытындысында партияның бастауыш құрылымдарында Елба­сы­ның Үндеуін бүкілхалықтық талқылау туралы шешім қабылданды Әлисұлтан ҚҰЛАНБАЙ, «Егемен Қазақстан»