Қазақстан шаңғышылары Универсиаданың алғашқы медалін жеңіп алды

Алматыда өтіп жатқан қысқы Универсиада ойындарында қыздар арасында классикалық стильдегі 5 шақырымға созылған шаңғы жарысы өтті. Алтын жүлде ресейлік Лилия Васильеваға бұйырса, күміс медальді оның отандасы Анна Нечаева еншіледі. Ал қола жүлдені жерлесіміз Анна Шевченко еншіледі. Сонымен қатар, еліміздің атынан бұл жарысқа тағы 5 шаңғышы қатысқан болатын. Олардың көрсеткіші мынадай: Ирина Быкова – 10, Ольга Мандрика – 12, Анна Стоян – 13, Ангелина Шурыга – 18, ал Анжелика Тарасова – 25.