2016 жылы Toyota әлем бойынша 10 млн автокөлік сатқан

2016 жылы Toyota компаниясы бүкіл әлемге 10,175 миллион автомобиль сатқан, - деп хабарлайды АР корпорация есебіне сілтеме жасап. Ал, сатылған Volkswagen маркалы көліктердің саны  - 10,310 миллион. Ал General Motors өз есебін келесі аптада жариялайды. Егер оның сатылымы Volkswagen компаниясынан төмен болған жағдайда, германиялық автоконцерн бірінші рет сатылым бойынша көш бастайтын болады. 2015 жылы General Motors өзі үшін рекордтық көлемде көлік сатқан - 9,8 миллион дана. Toyota Hino Motors және Daihatsu Motor компанияларымен біріге отырып, 10,15 миллион автокөлік сатқан. 2015 жылдың бірінші жартысында Volkswagen көш бастап келе жатқан, алайда оған "дизельгейт" кері әсерін берген. Оның жылдық сатылымы - 9,9 миллион көлік, ал бұл дегеніміз 2014 жылмен салыстырғанда 2 пайызға төмен.