Жақияновты британдық боксшы жекпе-жекке шақырды

Британдық боксшы Райан Барнет (15-0, 9 КО) бірер күн бұрын мексикалық Хосефат Рейесті (6-8, 1 КО) жеңгеннен кейін қазақстандық Жанат Жақияновты жекпе-жекке шақырды. Бұл туралы sporst.kz хабарлады. «Райан Барнет бапкер Рикки Хаттонның жаңадан әлем чемпионы болған шәкірті Жанат Жақияновты жекпе-жекке шақырды. Ол жеңіске деген үмітпен осындай қадамға барып отыр», – деп жазады Ringsidereport.com тілшісі Гари Уильям туиттерінде. Бұған дейін британиялық боксшы Жақияновтың белбеулерін тартып алуға шамасы жететінін мәлімдеген. Айта кетейік, қазақстандық былғары қолғап шебері 11 ақпан күні америкалық Роуши Уорренді (14-2, 4 КО) 12 раундтың қорытындысы бойынша төрешілердің шешімімен жеңіп, WBA Super және IBO тұжырымдары бойынша жаңа әлем чемпионы атанған.