Осы аптада жаһандық қаржы нарығы АҚШ президенті Дональд Трамптың Конгресс алдындағы сөзін күтіп отыр. Сейсенбі күнгі шарада Ақ үй басшысы салық реформасы мен экономиканы қайта реттеу және инфрақұрылымдық жобаларға тоқталмақ, деп жазады investing басылымы.
Трамп осы жолы салық реформасындағы бір өзгеріс ретінде сырттан келетін импорттық тауарларға баж салығын 20 пайызға арттыруы мүмкін дегенді айтады сарапшылар.
Сонымен қатар, медициналық жобалар мен инфрақұрылымдық жұмыстардың ендігі бағыты осы жолы белгілі болмақ.
Осы апта сонымен қатар АҚШ Федералды резерв жүйесінің бірнеше штаттағы өкілдіктерінің басшылары да халық алдына шығады. Соның ішінде жұма күні жүйе басшысы Джаннет Йелленнің сөзі маңызды болмақ. Инвесторлар осы жолы Йеллен доллардың базалық мөлшерлемесінің көтерілер-көтерілмесі туралы айтуы мүмкін екенін айтады.
Мамандардың айтуынша, наурызда мөлшерлеменің көбейтілуі неғайбыл, ал мамырда көбейтілуі әбден мүмкін.
Бұлардан бөлек, осы аптада Ұлыбритания мен ЕО елдерінің қаржы нарығының өткен жылдың төртінші тоқсанындағы қорытындысы жарияланады.
Соңғы жаңалықтар
Жетісу облысында қар құрсауында қалған алты адам құтқарылды
Аймақтар • Бүгін, 10:15
Семейде Шәкәрім Құдайбердіұлының ескерткіші бой көтерді
Әдебиет • Бүгін, 09:20
Жаңа тариф жергілікті халыққа тиімді
Табиғат • Кеше
Қарағанды облысында алты жасар бала өзенге батып кеткен
Төтенше жағдай • Кеше
Анасы түрмедегі ұлына телефон кіргізбек болған
Қоғам • Кеше
