Шведова үздік теннисшілердің ондығына кірді

Әйелдер теннис қауымдастығы (WTA) үздік теннисшілердің жаңартылған рейтингін жариялады, деп хабарлайды sports.kz. Жеке разряд бойынша бірінші үштік өзгеріссіз қалды. Америкалық Серена Уильямс көш бастаса, германиялық Анжелик Кербер екінші орында келеді. Ал үздік үштікті чехиялық Каролина Плишкова түйіндеп тұр. Қазақстан атынан шығып жүрген теннисшілердің көрсеткішінде де аздаған өзгерістер болды. Юлия Путинцева 27-орыннан 29-орынға төмендесе, Ярослава Шведова 49-орыннан 48-орынға көтерілді. Сонымен қатар, жұпты разрядта Шведова 11-орыннан 10-орынға көтерілді.