Боксшы Елшат Нығматуллаұлы чемпиондық атағын қорғап қалды

Кәсіпқой боксшы Елшат Нығматуллаұлы WBO нұсқасы бойынша Азия чемпиондығы атағын қорғап қалды. Бұл туралы vesti.kz хабарлады. Жекпе-жек Қытайдың Юньнань провинциясында өтті. 23 жастағы боксшы 6 раундтың қорытындысы бойынша ұпай санымен 37 жастағы филиппиндік Джаяр Эстремесадан басым түсті. Елшат осымен кәсіпқой рингте оныншы кездесуін өткізіп, бәрін жеңіспен аяқтап отыр. Оның екеуінде қарсыласын нокаутпен ұтқан. «Бұл айқаста чемпиондығымды түбегейлі қорғап қалдым. Енді сәуір айының соңына таман Аомэнь жеріне жолға шығамын. Ал ары қарай АҚШ-қа баруды жоспарлап отырмын», – деді Елшат Нығматуллаұлы.