Мырзатай Жолдасбеков Димашқа батасын берді

Бүгін Қазақ Ұлттық өнер академиясында Димаш Құдайбергеннің жанкүйерлерімен кездесуінде мемлекет және қоғам қайраткері Мырзатай Жолдасбеков әншіге бата беріп, ақылын айтты, деп хабарлайды ҚазАқпарат. «Алла Тағаланың қазақтың маңдайына берген әншілері көп болды. Бірақ, олардың көбі бүгінгі Димаш сияқты шекара асып, бүкіл әлемді таңғалдыра алмаған. Өйткені, мүмкіндіктері болмады. Әміре Қашаубаев қана Парижге барып ән салды», – деген Мырзатай Жолдасбеков Димашқа «осы танымалдылықты көтере біл» деген ақылын айтты. «Қой көрмеген көргенсіз қуалап жүріп өлтіреді» дегендей, Димаш осыны көтеріп кетсе жақсы болар еді... Сен (Димашқа қарата айтып) көтеріп кетуің керек, өйткені, халық сенен үлкен үміт күтіп отыр. Алдыңда талай жарыс бар»,-деп батасын берді.