Қазақстандық таэквондошылар Fujairah Open-2017 додасында 12 медаль еншіледі

Қазақстандық таэквондошылар Біріккен Араб Әмірліктерінен 12 медаль еншілеп қайтты, деп хабарлайды ҚазАқпарат тілшісі. Үш күнге созылған Fujairah Open-2017 додасы БАӘ-нің Әл-Фуджайра қаласында өтті. Осы жарыста ел намысын қорғаған жерлестеріміз сегіз қола және төрт күміс медальді олжалады. Күміс жүлделерді Гүлім Бибаллаева, Жазира Сапарбек, Айтуар Шайкенов және Айнұр Есбергенова жеңіп алды. Ал қола медальдарды Нұрсұлтан Мамаев, Анаргүл Сабыр, Шахсанам Ачилова, Жансель Дениз, Ербол Бейсенбай, Қайрат Сарымсақов, Смайыл Дүйсебай және Қазыбек Бахтиярұлы иеленді.