Қыстың соңғы күні еліміздің басым бөлігінде атмосфералық ағымдардың өтуіне байланысты жауын-шашынды, құбылмалы ауа райы күтіледі, тек республиканың оңтүстік және шығысында жауын-шашынсыз болады. Кей жерлерде тұман, көктайғақ, жаяу бұрқасын, желдің күшеюі күтіледі. Бұл туралы «Қазгидромет» хабарлады.
Ақмола, Батыс Қазақстан облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с болады.
Қостанай, Солтүстік Қазақстан облыстарының кей жерлерінде тұман, жаяу бұрқасын соғып, жел 15-20 м/с күшейеді.
Павлодар облысының кей жерлерінде көктайғақ, жаяу бұрқасын болады, жел 15-20 м/с күшейеді.
Қарағанды облысының кей жерлерінде тұман күтіледі, жел жаяу бұрқасынмен 15-20 м/с күшейеді.
Шығыс Қазақстан облысының кей жерлерінде тұман болады, жел 15-20 м/с күшейеді.
Алматы облысының кей жерлерінде желдің күшеюі 17-22 м/с күтіледі, Жалаңашкөл ауданында желдің екпіні 28 м/с болады.
Жамбыл, Қызылорда, түнде Оңтүстік Қазақстан облыстарының кей жерлерінде тұман болады.
Атырау, күндіз Ақтөбе облыстарының кей жерлерінде тұман, көктайғақ күтіледі.