Қытаймен қатынас қарқын алады

Инвестициялар және даму министрі Жеңіс Қасымбек Қытай Халық Рес­пуб­ли­ка­сы­на жұмыс сапарымен барып, ҚХР Көлік ми­нистрі Ли Сяопэнмен кездесті. Екі жақты ке­ліссөз нәтижесінде көрші елмен авиация са­ла­сындағы ынтымақтастықты нығайту ту­ралы келiсiмге келді. Биыл Астана қаласында өтетін ЭКСПО-­2017 халықаралық маман­дан­ды­рыл­­ған көрмесі қарсаңында Алматы-Бейжің әуе рейсі аптасына 5-тен-7-ге дейін, ал Астана­дан Бейжіңге аптасына 2-ден 4-ке дей­ін артатын болады. Сондай-ақ, Астана-Үрім­жі және Алматы-Үрімжі бағыттарына қо­сымша рейстер ашылмақ. «Бүгінгі таңда екі ел арасындағы ынтымақтастық жан-жақ­ты стратегиялық әріптестікке айналды. Биыл индустрия, көлік салалары бойын­ша бір­лескен жаңа кәсіпорындарды іске қосу жоспарланып отыр және экономиканың түрлі салаларын қамтитын жаңа жобалардың құрылысы басталады. Біз транзиттік-көлік саласындағы еуразиялық әлеуетті мейлінше жүзеге асыруға мүдделіміз», деді министр. Болжам бойынша 2020 жылға қарай ай­мақтағы сауда көлемі 1,2 трлн долларға же­теді. Ал, Қытай мен Еуропалық одақ ара­сын­дағы тауар айналымы 800 млрд долларды құ­райтын болады, жүк тасымалының көлемі 170 млн тоннаға дейін артады. «Біз үшін Қытайдан Орталық Азия ел­де­рі­не, Ресей, Еуропа, сонымен қа­тар, Иран мен Таяу Шығыс елдеріне контейнерлік та­сымалды арттыру өзекті мәселе болып тұр. Қытай-Қазақстан-Еуропа бағыты бойы­нша контейнерлік жүк тасымалдау – ұтым­ды жол. Қытай-Еуропа бағыты бой­ынша 2016 жылы қаңтар-қараша айла­ры аралығында 725 пойыз­бен 62 816 кон­тейнер тасымалданды. Ал, Еуропа-Қы­тай бағыты бойынша 30 187 контейнер тасымалданған. Пойыздардың орташа жыл­дамдығы тәулігіне 950 шақырымды құрайды», деді Жеңіс Қасымбек. Асхат РАЙҚҰЛ, «Егемен Қазақстан»