Суперкубок сыны. «Астана» мен «Қайраттың» қайсысы мықты?

Футболдан Қазақстан чемпионатының 2017 жылғы Суперкубогы биыл Алматы қаласында өтеді. Мұндай шешім өткен жылдың соңында Қазақстан Кәсіпқой футбол лигасының отырысында қабылданған болатын. Қазақстан Суперкубогының тарихы 1995 жылдан басталады. Еліміздің алғашқы суперкомандасы болып Семейдің «Елімайы» атанды. Бір қызығы, Алматыдағы ойында «Елімай» мен «Восток» кездесті. Екеуі де шығыс өңірінің командалары еді. Бірақ ол кезде Семей мен Шығыс Қазақстан жеке-жеке облыс болатын. Осыдан кейін Суперкубок ойынын жан­күйерлер тек 2008 жылы ғана тамашалай алды. Бірнеше жыл үзіліс болды. Бұл жолы сол кездегі еліміздің қос мықтысы «Ақтөбе» мен «Тобыл» жолықты. Алғашқысы 2:0 есебімен жеңіске жетті. Тек, 2009 жылы ұйымдас­тырылмады демесеңіз, Супер­кубок сыны 2010 жылдан бері тұрақты өткізіліп келеді. Жеті жыл қатарынан Қазақстан Суперкубогын өткізу құқығына Ас­та­на қаласы ие болды. Биыл енді араға 9 жыл салып, қай­тадан Алматыға оралып отыр. Кездесетін командалар дәл қа­зіргі кездегі еліміздің қос мық­­тысы – «Астана» мен «Қайрат». Бұл екі команда осымен үшінші жыл қатарынан ел Суперкубогын сарапқа салады. Бұған дейін бір-бірін кезек-кезек ұтқан еді. 2015 жы­лы «Астана» чемпионы атан­ғанда кубокты Елбасының өзі табыстаған-ды. Былтыр «Астана» Супер­кубокта есе жібергенімен, ел чемпионаты мен Қазақстан кубогы секілді маңызды жарыста «Қайраттың» алдын орап кетті. Ал биыл кәнігі қарсыластардың жекпе-жегі қалай аяқталатынын 4 наурыз күні білетін боламыз. Екі команда сапында жа­ңадан келген ойыншылар бар. «Астанаға» биыл Иван Маевский, Аздрен Лулаку, Роман Мұртазаев секілді футболшылар келді. Ал Малый, Каньяс, Деспотович, Асхат Тағыберген, Нұрғалиев командадан кетті. «Қайратқа» қысқы транс­ферлік үзіліс кезінде Елдос Ахметов, Георгий Жу­ков, Иво Иличевич қосылды. Командадан кеткендердің қатарында Тавам­ба, Тимощук, Дарабаев, Сидель­ников бар. Қазақстан Суперку­богы­ның жеңім­паздары: 1995 жылы: «Елімай» 2008 жылы: «Ақтөбе» 2010 жылы: «Ақтөбе» 2011 жылы: «Локомотив» 2012 жылы: «Ордабасы» 2013 жылы: «Шахтер» 2014 жылы: «Ақтөбе» 2015 жылы: «Астана» 2016 жылы: «Қайрат». Диас ЕРКЕБҰЛАН, журналист АСТАНА