Жаңа басшыларды таныстырды

Премьер-Министр Кәрім Мә­сімов Президент Нұрсұлтан Назарбаевтың Жарлығымен та­ғайындалған жаңа басшы­лар­ды ұжымдарға таныстыр­ды, деп хабарлады Премьер-Министрдің баспасөз қызметі. Үкімет басшысы Туризм және спорт министрлігі ұжымына  осы лауазымда болған Темірхан Дос­мұ­хамбетовті ауыстырған жаңа басшы Талғат Ермегияевты та­ныс­тырды. Премьер-Министр Т.Ер­мегияевтың алдына Қазақ­стан­ның әлемдегі бәсекеге барынша қабілетті 50 елдің қатарына енуін қамтамасыз ететін жалпыұлттық міндет шеңберінде туризм және спорт салаларының тиімділігін арттыруға байланысты міндеттер қойды. К.Мәсімов сол сияқты Мемлекет басшысының Жарлығымен тағайындалған Ауыл шаруашы­лы­ғы министрі Асылжан Мамыт­бековті де ұжымға таныстырды. Жаңа министрді таныстыра отырып, Премьер-Министр Үкі­мет­тің алдында тұрған басты мін­дет ел Президенті алға қойған стратегиялық мақсаттарды орын­дау екенін атап көрсетті.