Ұйыммен сындарлы ынтымақтастыққа әзір

Парламент Сенаты Төрағасының орынбасары Бектас Бекназаров ЕҚЫҰ Демократиялық институттар мен адам құқықтары жөніндегі бюросының (ДИАҚБ) діни еркіндік немесе сенім мәселелері жөніндегі аға кеңесші Кишан Маночамен кездесті. К.Маночаның сапары Орталық Азия айма­ғын­дағ­ы діни еркіндік пен сенімді ілгерілету арқылы қау­іпсіздік пен әлеуметтік топтасуға жәрдемдесу жөніндегі ДИАҚБ жобасын іске асыруға байланыс­ты жасалып отыр. Мейманмен кездесуде Б.Бекназаров бұл жо­баның ерекше маңызын атап өтіп, біздің елі­міз­де қалыптасқан ұлтаралық және дінаралық ке­­­лісім үлгісі туралы хабардар етті. Сенат Тө­ра­ға­сы­ның орынбасары: «Толеранттылық пен ке­м­сіт­пеу­ші­лік­тер қағидаттары көпұлтты Қазақ­стан­ үшін аса ма­ңызды», – деп атап өтті. Б.Бекназаров Президент Нұрсұлтан Назар­баев­­­тың Әлемдік және дәстүрлі діндер көш­бас­шы­ларының съезін шақыру туралы бастамасы қар­қынды іске асып келе жатқанын жеткізді. Оған түр­лі дін өкілдері ғана емес, әлемдік ауқымдағы саяси қайраткерлер, беделді халықаралық ұйым­дар­дың, мемлекеттер мен үкіметтердің басшылары арнайы келіп, қатысып жүр, деді Б.Бекназаров. К.Маноча өз кезегінде Әлемдік және дәстүрлі дін­дер жетекшілерінің форумына қатыса отырып, Қазақстан басшылығының толеранттылық пен түр­лі діндердің өзара түсіністігін ілгерілетуден айны­май­тынына көзі жеткенін айтты. ЕҚЫҰ ДИАҚБ өкілі, сондай-ақ, ұлттық, тіл мен конфессиялық алуан­дықты сақтау жөніндегі Қазақстан жүргізіп ке­ле жатқан саясатқа зор ықылас білдірді. Әңгіме ба­рысында 2011 жылы қабылданған «Діни қыз­мет жә­не діни бірлестіктер туралы» Заңды іске асы­ру­дың жекелеген мәселелерімен таяуда құ­рылған Дін істері және азаматтық қоғам ми­ни­стр­лігінің қыз­меті талқыланды. Кездесу барысында діни төзбеушілікке, экс­тремизм мен терроризмге қарсы іс-қимыл мә­се­л­елеріне ерекше назар аударылды. Сенат Тө­р­аға­сының орынбасары «кез келген наным-се­нім негізінің бұрмаланбауы, діннің саясат пен идео­ло­гия­ның құралына айналмауы тиіс» екенін атап көр­­сетті. Әңгімені аяқтай келіп, Б.Бекназаров қа­­зақ­стандық парламентшілердің бірлескен жо­ба­­ларды іске асыру аясында ЕҚЫҰ ДИАҚБ-мен сын­дарлы ынтымақтастыққа әзір екенін нақ­тылады.