2011 жылғы 6 сәуір Астана, Үкімет Үйі
Тауар биржалары арқылы өткізілетін биржалық тауарлардың тізбесін және ұсынылатын партиялардың ең аз мөлшерін бекіту туралы
«Тауар биржалары туралы» Қазақстан Республикасының 2009 жылғы 4 мамырдағы Заңының 3-бабының 5) тармақшасына сәйкес Қазақстан Республикасының Үкіметі
қаулы етеді:
1. Қоса беріліп отырған тауар биржалары арқылы өткізілетін биржалық тауарлардың тізбесі және ұсынылатын партиялардың ең аз мөлшері бекітілсін.
2. «Қазақстан Республикасы Үкіметінің 2000 жылғы 12 тамыздағы № 1245 және № 1253 қаулыларының күшін тоқтата тұру туралы» Қазақстан Республикасы Үкіметінің 2000 жылғы 28 тамыздағы № 1316 қаулысына мынадай өзгерістер енгізілсін:
тақырыбында және 1-тармақта:
«қаулыларының» деген сөз «қаулысының» деген сөзбен ауыстырылсын;
«және № 1253», «және «Қазақстан Республикасында биржалық қызметті дамыту жөніндегі шаралар туралы» № 1253» деген сөздер алынып тасталсын.
3. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Орталық атқарушы органдар осы қаулыдан туындайтын шараларды қабылдасын.
5. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасының Премьер-Министрі К.МӘСІМОВ.
Қазақстан Республикасы Үкіметінің 2011 жылғы 6 сәуірдегі № 375 қаулысымен бекітілген
Тауар биржалары арқылы өткізілетін биржалық тауарлардың тізбесі және ұсынылатын партиялардың ең аз мөлшері
| № |
Тауардың қысқаша атауы |
КО СЭҚ ТН коды |
Партияның ең аз мөлшері |
| 1 |
2 |
3 |
4 |
| 1. |
Жаңадан піскен және тоңазытылған картоп: өзгесі |
0701 90 900 0 |
60 тонна |
| 2. |
Бидай және меслин: өзге де спельта, жұмсақ бидай және меслин: өзгелері** |
100190 990 0 |
600 тонна |
| 3. |
Арпа: өзгесі** |
1003 00 900 0 |
600 тонна |
| 4. |
Ұсатылған немесе ұсатылмаған соя бұршаққаптары: өзгелері |
1201 00 900 0 |
600 тонна |
| 5. |
Ақ қант |
1701 99 100 |
60 тонна |
| 6. |
Боялмаған немесе боялған, дайын немесе күйдірілген цемент тасы нысанында портландцемент, глиноземдік цемент, қож цемент, суперсульфатты цемент және ұқсас гидравликалық цементтер |
2523 |
60 тонна |
| 7. |
Таскөмір; таскөмірден алынған кесекшелер, шекемтастар және қатты отынның ұқсас түрлері* |
2701 |
3 000 тонна |
| 8. |
Гагаттан басқа, агломерацияланған немесе агломерацияланбаған лигнит, немесе құба көмір* |
2702 |
3 000 тонна |
| 9. |
Мұнайлы газдар және өзге де газ тәріздес көмірсулары: сұйытылған: пропан |
2711 12 |
100 тонна |
| 10. |
Мұнайлы газдар және өзге де газ тәріздес көмірсулары: сұйытылған: бутандар |
2711 13 |
100 тонна |
| 11. |
Мұнайлы газдар және өзге де газ тәріздес көмірсулары: сұйытылған: өзге де |
2711 19 000 0 |
100 тонна |
| 12. |
Қардтық немесе тарақпен тарауға ұшыраған мақта талшығы |
5203 00 000 0 |
600 тонна |
*– 2013 жылғы 1 қаңтардан бастап коммуналдық заңды тұлғалар сатып алу үшін;
* – көрсетілген тізбе астықтың мемлекеттік ресурсына қолданылмайды.
Қазақстан Республикасы Үкіметінің 2011 жылғы 6 сәуірдегі № 375 қаулысына қосымша
Қазақстан Республикасы Үкіметінің күші жойылған кейбір шешімдерінің тізбесі
1. «Қазақстан Республикасы Министрлер Кабинетінің 1995 жылғы 28 шілдедегі № 1035 қаулысына өзгертулер енгізу туралы» Қазақстан Республикасы Үкіметінің 1996 жылғы 14 мамырдағы № 600 қаулысы (Қазақстан Республикасының ПҮАЖ-ы, 1996 ж., № 21, 184-құжат).
2. «Қазақстан Республикасы Үкіметінің кейбір шешімдеріне өзгертулер енгізу және күші жойылған деп тану туралы» Қазақстан Республикасы Үкіметінің 1996 жылғы 20 тамыздағы № 1031 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістердің 57-тармағы (Қазақстан Республикасының ПҮАЖ-ы, 1996 ж., №35, 327-құжат).
3. «Тауар биржалары жөніндегі республикалық комиссияның құрамын бекіту туралы» Қазақстан Республикасы Үкіметінің 2000 жылғы 13 сәуірдегі № 570 қаулысы.
4. «Қазақстан Республикасында биржалық қызметті дамыту жөніндегі шаралар туралы» Қазақстан Республикасы Үкіметінің 2000 жылғы 12 тамыздағы № 1253 қаулысы.
5. «Қазақстан Республикасы Үкіметінің 1995 жылғы 28 шілдедегі №1035 және 2004 жылғы 29 қаңтардағы № 100 қаулыларына өзгерістер енгізу және Қазақстан Республикасы Үкіметінің 2003 жылғы 3 шілдедегі № 646 қаулысының күші жойылды деп тану туралы» Қазақстан Республикасы
Үкіметінің 2004 жылғы 11 наурыздағы №307 қаулысы (Қазақстан Республикасының ПҮАЖ-ы, 2004 ж., № 13, 168-құжат).
