Партиялар бәсекелестігі артады

Әрқашан халықтың мүддесі жолында, бизнесті қолдау бағы­тын­да қызмет етіп жүрген «Ақ жол» партиясы конституциялық өзгерістерге қатысты өзінің 18 нақты ұсынысын дайындап, жұмыс тобына жіберген болатынбыз. Егер бұл өзгерістер жүзеге асса, билік тармақтарының өкілеттілік құзы­реті күшейіп, Үкімет пен Парламенттің жауап­кершілігі артатын болады. Мұндай рефор­малардың арқасында саяси партиялардың арасындағы бәсекелестік те артады. Бұл – өте маңызды. Жалпы, Елбасы осы ауқымды реформа шеңберінде бірқатар өкілеттігін биліктің түрлі тармақтарына беруді ұсынды. Бұл – мемлекет тарихындағы ерекше жағдай. Себебі, билік тармақтарының әлеуетін кеңейту арқылы олар­дың халық алдындағы жауап­кер­шілігін арттыруды көздеп отыр. «Ақ жол» партиясы Прези­дент­тің бұл тарихи шеші­мін қуаттайды. Парламент депутаттары да өз кезегінде бұл шешімді жан-жақты ой елегінен өткізіп, қолдау білдірді. Себебі, бұл – билік тармақтары жүйесін жан­дандыруға сеп болатын үдеріс. Ал ол эко­номиканы дамытуды, халықтың әл-ауқатын арттыруды, Парламент пен Үкі­меттің қоғам алдындағы ашықтығын қам­тамасыз етуді қарастырады. Азат ПЕРУАШЕВ, Парламент Мәжілісінің депутаты