Айқын бағдар, берік ұстаным

Мемлекет басшысы Нұрсұлтан Әбішұлы Назарбаев Қазақстанның өркендеуіне, қанатын кеңге жайып, мығым ел болып қалыптасуына ерен еңбек сіңіріп келеді. Конституциялық реформа – елімізде демократиялық қоғамды дамыту жолында жасалған маңызды қадам. Заман талабын ескере отырып, ел қамын ойлаған Елбасымыз билік тармақтары арасында өкілеттіктерді қайта бөлу мәселесін дер кезінде көтерді. Бұл халқымыз үшін, ертеңіміз үшін жасалған маңызды қадам. Шамамен 60-қа жуық өкілеттігі Парламент пен Үкіметке жүктеліп отыр. Дүние жүзінде бұған ұқсас жағдай болмаған. Қайта билік басына келген адам басқару жүйесін толығымен өз қолына алуға тырысып жатады. Еліміздің болашағын ойлаған Нұрсұлтан Әбішұлы осындай маңызды, батыл қадам жасап отыр. Мемлекет басшысының бұл қадамын демократияландыру бағытын берік ұстанғанының жарқын куәсі деп айтуға болады. Мұның бәрі Президентіміздің кемең­герлігінің, сындарлы саясатының арқасында жүргізіліп отыр. Халқымыз Үкімет пен Парламенттің өкілеттігін арттыру идеясын қолдады. Қазақстанда болашаққа деген берік сенім бар. Шавкат ӨТЕМІСОВ, Парламент Мәжілісінің депутаты