«Еуразия апталығы» форумы ЭКСПО алаңында өтеді

3 наурыз күні Премьер-Министрдің бірінші орынбасары Асқар Мамин Еуразиялық экономикалық комиссия Кеңесінің кезекті отырысына қатысты, деп хабарлады Премьер-Министрдің баспасөз қызметі. Күн тәртібінде 24 мәселе қарал­ды. Комиссия Кеңесінің отырысы барысында интеграциялық әлеуетке ие экономика саласына қатысты мәселелер тал­қыланып, ішкі нарық шеңберінде тос­қауылдарды азайту, сондай-ақ, жыл сайынғы «Антиконтрафакт» халықаралық форумын өткізуді ұйымдастыру мәселелері қа­растырылды. «Антиконтрафакт» халықаралық форумы Еуразиялық эко­но­микалық одақ шеңберіндегі пікір­та­лас алаңы болып табылады. Мұнда ЕАЭО-ға мүше мемлекеттердің өкілдері, осы саладағы халықаралық сарапшылар, биз­нес-қауымдастық пен ғылым өкіл­дері ЕАЭО бірыңғай нарығын қорғап, өн­дірістік өнімнің заңсыз айналымы мен зия­ткерлік меншік құқығын қамтамасыз ету мәселелерін талқылайды. Кооперативті ынтымақтастықтың өза­ра тиімді бағыттарының тізбегі анық­тал­ды. Ол өнеркәсіпті өңдеу салаларында коопе­ра­­тивтік жобаларды жасауға ынталан­ды­ра­ды. Отырыс барысында ЕЭК Кеңесінің мү­шелері үстіміздегі жылғы тамыз айында ЭКСПО-2017 көрмесі аясында «Еуразия ап­­талығы» форумын өткізу туралы шешім қ­а­­­былдады. Форум ЕАЭО елдері үкіметі, биз­­нес және халықаралық сарапшылар үшін Одаққа мүше елдердің экономикасын да­­мытудағы өзекті мәселелерді талқылап, ст­ратегиялық шешімдерді әзірлеуге ар­на­л­ған алаңға айналмақ. ЕЭК отырысында Еуразиялық эко­но­ми­калық одақты әрі қарай дамытуға ба­ғыт­тал­ған барлық мәселелер бойынша өзара тиімді шешімдерге қол жеткізілді.