Қазақстан Республикасындағы Адам құқықтары жөніндегі уәкіл Асқар Шәкіров жақында тағайындалған ОШЕ/ТМД бойынша БҰҰ Балалар қорының (ЮНИСЕФ) аймақтық директоры Афшан Ханмен кездесті, деп хабарлады Қазақстан Республикасындағы Адам құқықтары жөніндегі уәкіл аппаратының баспасөз қызметі.
Кездесу барысында тараптар Омбудсмен мекемесі мен БҰҰ-ның Балалар қоры арасындағы балаларға қатысты зорлық-зомбылық және балаларға арналған мекемелерде олардың құқықтарын қорғау және бақылау саласындағы ынтымақтастық, соның ішінде қолданыстағы бірлескен 2016-2017 жылдарға арналған жұмыс жоспарының шеңберінде алдағы іс-шараларды талқылады.
Асқар Шәкіров еліміздегі бала құқықтарының сақталуы туралы жағдайды және Қазақстандағы ЮНИСЕФ өкілдерінің қолдауымен сәтті жүзеге асырылған, балалардың жағдайын жетілдіруге үлес қосқан жобалар туралы Афшан Ханға мәлім етті.
Кездесудің қорытындысында тараптар бала құқығын қорғау, екіжақты ынтымақтастықты жалғастыру бойынша келісімге келді.
Соңғы жаңалықтар
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
