Алматыдан Оралға шыққан ұшақ Ақтөбеге шұғыл түрде қонды

Алматыдан Орал қаласына ұшып шыққан ұшақ бүгін шұғыл түрде Ақтөбе қаласына қонды. Оқиғаның себебін ҚР Инвестициялар және даму министрлігінің өкілдері нақтылауда, деп хабарлайды ҚазАқпарат. ҚР Иинвестициялар және даму министрлігінің баспасөз қызметі көлік апаттары мен оқиғаларын тексеру департаментінің өкілдері осы мәселе бойынша тиісті жұмыстар жүргізіп жатқандығын атап өтті. «Иа, «Эйр Астана» әуе компаниясының Алматы-Орал бағытымен ұшқан ұшағының борттағы компьютері қозғалтқышта ақау бар екендігін көрсеткен. Сол себепті экипаж мүшелері Ақтөбеге қону қажет деген шешім қабылдады. Осы уақытта ұшақ қажетті жеріне сәтті қонып үлгерді. Енді министрлікте аталмыш оқиғаның себеп-салдарын анықтау бойынша арнайы комиссия құрылады», - деді ведомствоның баспасөз қызметі. Бортында 76 жолаушысы бар ұшақ 12 сағат 40 минутта қажетті жеріне сәтті қонған.