Cіз не дейсіз?

ДАМУ ҚАБІЛЕТІ ӘЛСІЗ БАЛАЛАР ҚАМҚОРЛЫҚ КҮТЕДІ Жақында бір жиында айтылып қалғандай, да­муын­да әртүрлі ауытқу­ла­ры бар жеткіншектер қа­тары өспесе, азаймай келеді екен. Бұл мәселенің жай­дан жай ауызға алын­бағандығы анық. Олай болса, аталған мәселенің қо­ғам­ды ойлан­туы қай дең­гейде? Он екіде бір гүлі ашылмай жатып осындай күйге ұшыраған­дар­ға қам­қорлық қандай? «Егемен Қазақстанның» Қарағанды облысындағы тілшісі Айқын Несіпбай қазіргі заманғы гуманитарлық-техникалық институттың директоры Қабиден Молдахметовке: – Сіз бұған не дейсіз? – Туғанынан ақыл-ойы кеміс, есту, көру қабілеті төмен ба­ла­ларға білім беруші және тәр­бие­ші дефектолог мамандар тек бізде даярланаты­ны­на байланысты бұл мәселенің мән-жайына қа­нық емеспіз. Осыған орай жыл сайын өткізіліп тұруы үр­діс­ке ай­нал­ған аймақтық ғылы­ми-тә­жірбиелік конференциялар та­қырыбы әрдайым соған ар­налады. «Мүмкіндіктері шек­­теулі балаларды әлеуметтік, медицина­лық және педагоги­калық қолдау туралы» Заң аясында осы са­наттағы жас­өспірімдердің жетіліп кетуіне, өмір қызығына бейім­делуіне, жүдеу көңілдерін жа­­сыт­пауға барынша атсалы­сып келеміз. Деректерге сүйенсек, об­лыс бойынша даму мүм­кіндігі шектеулі 12 544 бала бар. Былайша айтқанда, бұл – өңірдегі әрбір 6-шы жет­кін­шектің психо­ло­гия­лық-фи­зикалық қабілеті әлсіз деген сөз. Ал бұлардың 5943-і мектеп жасындағылар. Біразы ар­наулы мектеп-интернаттарда оқы­ты­лып, тәрбиеленуде. Алайда, осындай 15 оқу орнының бәрі қалаларда ор­на­ласқандықтан, ауыл­­дық жер­дегі тағдырластары он­дай­ қамқорлықтан тыс­қары қа­лып отыр. Мәселен, онда мұндай қолдауды, сүйеуді күт­кен бала 2 мыңға жуық. Сондықтан осы жағын ой­ластыратын уақыт жетті деуіміз керек. Қабілеті кеміс оқушы­лар­ды арнайы әдістермен оқы­тып, тәр­биелеуде, талпы­ны­сын ұштап, ой-санасын қа­лыптастыруда тиісті білімі, дайындығы бар ма­ман­дардың орны бөлектігін ата­масқа болмайды. Бүгінде мек­теп-интернаттардың дефектолог мұғалімдермен қамтылуы ай­мақта 43 пайызды құрайды десек, дені біздің оқу орны­мыздың түлектері. Кәсіби біліктіліктерін көтеруге де көмек көрсетіледі. Былтыр 140 педагог қосымша дай­ындықтан өтті. Бұл бағыттағы іс-шара­лар­ды ширата түсу үшін мы­на­дай мәсе­лелердің шешімін табуы дұрыс болар еді. Айта­лық, мүдделі құ­рылымдарға қамқорлықты қажет ететін балалар есебі туралы ақ­па­раттық мәлімет беретін ай­мақ­тық банк құрылса. Со­ны­мен бірге, оқулықтар соңғы үлгілерінің, технологиялық жаб­дықтардың, дидактика­лық құралдардың жеткілікті болуын қалар едік. Қиын тағдырлы жасөспірімдерді қа­тарға тарту баршамызға ортақ жұмыс болуы қажет. Білім беру, денсаулық сақтау ұйымдарының да осы мақсат жолындағы жұ­мыстарын жа­ңа­ша жүйелеп, үй­лестіруі – уақыт талабы. Қарағанды.