Айтарым бар

Мен өмір бойы ауыл шаруашылы­ғын­да еңбек еттім. Сондықтан ауыл жағ­дайын жетік білемін. Мені жастар мен жасөспірімдер тәртібі қатты алаң­датады. Өкінішке орай, бұл бағытта қолға алы­нып жатқан іс-шаралар әлі де жеткіліксіз. Сондықтан да, алдағы уақытта қа­жетті шаралар қабылданса нұр үстіне нұр. Иә, ардагерлердің міндетін, құқы­ғын нақты айқындау керек. Олардың ық­палын күшейту, жастар тәртібіне арала­су төңірегінде нақты іс-шаралар атқары­ла­тын уақыт келді деп ойлаймын. Ауыл­дық округтерде билер сайлап, оның тәр­тіп бұзушыларға айыппұл салатындай қауқары болса, тіпті оң болар еді. Мен көрші Қытай елімен шекаралас Марқакөл ауданында туып өстім. Біздің жас кезімізде шекара бойында тұратын азаматтар шекараны күзетуде қырағылық танытатын. Дәл қазір шекараның ондаған гектар жері бос қалуда. Айтайын дегенім, шекара бойында тұратын халыққа сол маңға көшіп баратын мүмкіндігінше жеңілдіктер берілсе, жан-жақты материалдық көмектер берілсе, қалың ел көш басын туған жерге бұрар еді. Міне, осы мәселелер жайлы республика ардагерлерінің VI съезінде айтсам деймін. Сабырбек АҚТАНОВ, Социалистік Еңбек Ері. Шығыс Қазақстан облысы, Күршім ауданы.