Министр Абай өміріне қатысты деректермен таныса келе, Шыңғыстау өңірінің табиғаты, тарихи жерлер жайлы мол ақпараттан хабардар болды.
Музей директоры Болат Жүнісбеков құрметті қонаққа Абайдың төрт тілде шыққан өлеңдер жинағын сыйға тартты. Кездесу барысында министр Ерлан Сағадиев ұлы жазушы Мұхтар Әуезовтің туғанына 120 жыл толуына орай жазушының «Абай жолы» роман-эпопеясынан ұлттық этно-мәдени көріністерді тасқа қашай білген, белгілі қолөнер шебері Сержан Бәшіровтің экспозициясын көріп, өте жоғары баға берді. Ал Шәкәрім университетінің ректоры Мейір Ескендіров министрге Абай музейімен өзара рухани тығыз қарым-қатынаста екендіктерін, бірігіп ғылыми-зерттеу жұмыстарын жүргізіп отырғандықтарын айтып өтті.
Раушан Нұғманбекова
Семей
Суретті түсірген автор