Кеңес барысында мемлекеттік қызметтер көрсету үдерістерін оңтайландыру мәселелері талқыланды, сондай-ақ «Азаматтарға арналған үкімет» Мемлекеттік корпорациясы қызметінің 2016 жылғы қорытындысы және 2017 жылға арналған жоспарлар тыңдалды.
Мемлекет басшысы Н.Назарбаев «Қазақстанның Үшінші жаңғыруы: жаһандық бәсекеге қабілеттілік» атты халыққа Жолдауында түбегейлі реформалардың, оның ішінде мемлекеттік қызметтер көрсету саласында қажеттігін атап өтіп, Үшінші жаңғыруды іске асыру бойынша міндет қойған болатын. Аталған тапсырманы іске асыру аясында Мемлекеттік корпорацияның алдында қызмет көрсету үдерістеріне жаңа технологияларды енгізу, сервисті арттыру және трансформация жүргізу мен ішкі процестерді оңтайландыру міндеттері тұр.
