«Бүгіннен бастап біз соттылық анықтамасын жаңа үлгіде беретін боламыз. Оған не себеп болды? Осы күнге дейін азаматтың қылмысқа тартылғандығы туралы барлық мәліметті берген болсақ, енді аталған анықтаманы соттылығы өтелгендігі мен жойылғандығын есепке алып, сол анықтаманы жаңа үлгіде беретін боламыз», деді Бағдат Мусин.
Спикердің айтуынша, жаңа стандарт қабылданғаннан кейін соттылығы өтелген немесе алынып тасталған, оларға қатысты қылмыстық қудалау тоқтатылған азаматтар «Соттылығы жоқ» жазбасымен таза анықтама алатын болады.
Сондай-ақ, қағаз жүзінде соттылықтың болуы немесе болмауы туралы апостиль қойылған анықтаманы қажет ететін шет елге шығатын тұлғаларға анықтама 22 күннен 8 жұмыс күніне дейін қысқартылған мерзіммен бірыңғай қызметте берілетін болады.
Рауан ҚАЙДАР,
«Егемен Қазақстан»