Сондықтан да бізге аса зор жауапкершілік жүктеледі. Осыған байланысты Мемлекет басшысы Н.Ә.Назарбаевтың «Егемен Қазақстан» газетінде жарияланған «Болашаққа бағдар: рухани жаңғыру» бағдарламалық мақаласында көтерілген тақырыптар бізге өте жақын екенін нық сеніммен айта аламыз.
Елбасының мақаласындағы бай тарихи мұраларымызды және бірегей мәдени ерекшеліктерді сақтау мәселесі кез келген адамды бейжай қалдырмасы анық. Өйткені, елдің әрі қарай дамуы, саяси және экономикалық реформалардың табысты жүзеге асырылуы рухани игіліктердің жандануына тікелей байланысты.
Осы тұрғыдан келгенде, небір құндылықтарды көтеріп жүрген әйелдер қауымы бай мәдени-рухани қоғам қалыптастыруға қажетті де маңызды іс-шаралардың бастаушысы бола алады. Бірінші кезекте, олар – азаматтық көзқарас пен патриоттық сезімді нығайту, жаһандану жағдайында жас ұрпақтың жаңа заман талабына сай сапалы білім алуын қамтамасыз ету.
Раушан СӘРСЕМБАЕВА,
Қазақстанның іскер әйелдері қауымдастығының президенті,
Президент жанындағы
Әйелдер істері және отбасылық - демографиялық саясат жөніндегі ұлттық комиссияның мүшесі