Алматы облыстық Төтенше жағдайлар департаментінен алынған мәліметке сүйенсек, Іле Алатауы, Жетісу (Жоңғар) Алатауы және Хантәңірінің басында ғана қар қалыпты. Мұздақтар жылдағыдай шіліңгір шілденің ортасында ғана еритіндіктен, бөгеттерде бұлқынып, салалық қызметкерлерді әбігерге түсіруі мүмкін. Ал әзірге еш алаңсыз шаруаны күйттей беруге болады.
Жаздың аптап ыстығында тек Шарын өзені мен Көлсай көлдері арналарынан асып жатса, бөгеттер бүлініп қана қоймай, етектегі елді мекендерге қауіп төндіретіндігін де ұмытпаған ләзім. Бірақ дәл қазір оған алаңдайтындай себеп жоқ, деп отыр мамандар.
Нұрбол ӘЛДІБАЕВ,
«Егемен Қазақстан»
Алматы облысы
