Оқыс оқиға орнына жедел жеткен табиғат қорғаушылар толқынмен құрғаққа шығып қалған мөңке балықтарын күні бойы жинап, бес тоннаға жуық екенін есептеп шығарған. «Қолды» болмас үшін арнайы пештерде өртеген.
Мамандардың айтуларынша, бірнеше рет тендер ұйымдастырылғанына қарамастан, жалға алу иелері табылмау себебінен көл қыс бойы қараусыз қалған. Ешкім суға оттегі жіберіп, аэрация шараларын жасамағандықтан, қырылып қалулары мүмкін деген болжам баса айтылады.
«Сақтықта қорлық жоқ» деген. Қандай да бір ауруға шалдықты ма, жоқ па деген сауалға нақты жауап алу мақсатымен арнайы сараптама жұмыстары да жүргізілетін болады.
Өмір ЕСҚАЛИ,
«Егемен Қазақстан»
Солтүстік Қазақстан облысы,
Мамлют ауданы
