Былтыр облысқа 127 дәрігер қажет болса, биыл бұл көрсеткіш біршама төмендеп, дәл қазіргі уақытта 74 ақ халаттының орны бос тұрған көрінеді. Бұл туралы облыстық денсаулық сақтау басқармасы басшысының міндетін атқарушы Райфа Сафиоллинова айтты.
Бүгін Өскеменде өткен жиында аймақ басшысы Даниал Ахметов 74 маманды жыл аяғына дейін қызметтік баспанамен қамтуды тапсырды. «Қай қалада, қай ауданда мамандардың жетіспеушілігі барын анықтау қажет. Бұл мәселені тез арада шешпесе болмайды», – деді облыс әкімі.
Қазіргі уақытта Өскеменде медицина қызметкерлеріне арналған 70 пәтерлі жатақхана құрылысы салынып жатыр. Ғимарат сәуір айында қолданысқа беріледі деп жоспарланған.
Азамат ҚАСЫМ,
«Егемен Қазақстан»
ӨСКЕМЕН
