Қазақтан ұшқан қыраным

Қазақтан ұшқан қыраным, Заманның көнбей ырқына, – Алладан теңдік сұрадың, Алаш дейтұғын жұртыңа. Пенденің басына салмаған, Жүк таптың, ауыр іс таптың. Хан Кене таба алмаған Кәуірдің тілін сен таптың! Тарих көшінде сыналып, Бүгінге жеткен  дүркірі, – Қазақстан дейтін мына жұрт Қазақ болады бір күні! Алашым  – Саяси картада, Түсіріп құран-хатымды, – Астана салып Арқаға, Тәнті еттің адамзатыңды! Бүтіні керек іргенің, Нұр керек өскен гүлдерге. Алла бар көкте білгенім, Алаш бар, сонсоң бұл жерде! Қазақтан ұшқан қыраным, Заманның көнбей ырқына, – Алладан медет сұрағын, Алаш дейтұғын жұртыңа. Серік АҚСҰҢҚАРҰЛЫ, Қазақстанның еңбек сіңірген қайраткері, ақын.