Халықаралық ауқымды шараға қатысып қайтты

Малайзияның Куала-Лумпур қаласында өткен та­би­ғи апаттар мен қоршаған ортаны қорғауға арналған Азия саяси партияларының халықаралық конферен­ция­сы (АСПХК) өзінің Тұрақты комитетінің 15-ші оты­рысын, сонымен қоса, АСПХК-ның халықаралық кон­ференциясын өткізді. Бұл халықаралық шараға «Нұр Отан» ХДП атынан Қазақстан Республикасы Парламенті Мәжілісінің депутаты, «Нұр Отан» ХДП Саяси кеңесі бюросының мүшесі Нұртай Сабильянов қатысты, деп хабарлады Мәжілістің баспасөз қызметі. Тұрақты комитеттің оты­рысында қоршаған ортаны қор­ғау мәселелері, Тайланд және Камбоджа арасындағы келіспеу­шілік жағдайы, АСПХК-ның БҰҰ-дағы бақылаушысының мәртебесі туралы және басқа да мәселелер қозғалды. Конференцияда Н.­Са­­би­ль­я­нов баяндама жасап, өз сөзінде Қазақстан Президенті, мемлекеттік органдар мен «Нұр Отан» ХДП қоршаған ортаны және та­би­ғи апаттардан халықты, объек­тілерді, территория­лар­ды қорғауды қамтамасыз етуде құқықтық негізді жетілдіруге және ұй­ым­дасты­ру­шы­лық жұмыс­тар­ға баса назар аудар­аты­нын айтып өтті. Климаттың өзгеруіне байла­ныс­ты БҰҰ-ның Жиектемелі конвен­ция­сына қатысты Киото хатта­ма­сы және де эколо­гиялық проб­лемаларды шешуге ба­ғытталған басқа да құжаттар заңмен бекітілді. Н.Сабильянов 2011 жылдың басында қа­былданған пар­тия­ның жаңа бағдарлама­сын­да елдегі эко­логиялық жағ­дайды жақ­сар­ту және халық­тың өмір сү­ру сапасын арт­тыру міндеттері қойылған кешенді эколо­гиялық бағдарла­маны жү­зеге асыру және дамыту мақсаты бекітілгенін баса айтты. Қазақстан Парламентінің депутаты конференцияға қа­тысушыларға 1991 жылы ел Президенті Н.Назарбаевтың Жарлығымен жабылған Семей ядролық сынақ поли­го­нының зардаптары туралы және де Аралдың эколо­гия­лық апаты жайлы мәлімет­терді баяндады. Н.Сабильянов Азия саяси партия­лары­ның халықаралық конферен­циясы Тұрақты комитетінің «Табиғи апаттарға және қор­шаған ортаны қорғауға ар­налған Куала-Лумпур декла­ра­циясын» қабылдау жөнін­дегі бастамасын «Нұр Отан» партиясы толық қолдай­ты­нын жеткізді. Сөз соңында Н.Сабильянов «Нұр Отан» ХДП және партия Төрағасының бірінші орынбасары Н.Нығматулин аты­нан АСПХК-ның тең төр­ағасы және негізін салушы құрметті Хосе де Венецияға «Нұр Отан» партиясының ХІІІ съезінде, сонымен қоса, 2011 жылдың 3-4 мамырында Астанада өткен ІV Астана эко­номикалық форумында сөз сөйлеп, белсенді қатыс­қаны үшін алғысын білдірді. Конференция жұмысына Азияның 23 елінен 44 саяси партия өкілі қатысты. Конференция жұмысының қоры­тын­дысында Табиғи апаттар мен қоршаған ортаны қорғау туралы Куала-Лумпур декла­рациясы қабылданды. Айта кететін жәйт, конференцияда Азия парламентін құру ту­ра­лы пікір білдірілді.