Шоқтығы биік шеберлер шоғыры шахматтан өткен әлем чемпионатында алтын жүлдені жеңіп алды

Елімізге Польшаның Краков қаласынан қуанышты хабар келіп жетті. Осы күндері шаршы тақта алдында көпшіліктің көз­айы­мына айналып жүрген бал­ғын қыздарымыз шахматтан өт­кен әлем чемпионатында алтын жүлдеге ие болды. Мұнда екі дүркін әлем чем­пионы Жансая Әбдімәлік тағы да жеңімпаз атанса, Әсел Серікбай, Бибісара Асаубаева тұңғыш рет бас жүлдені жеңіп алды. Ал жа­қын­да ғана гроссмейстерлік балл­ды иеленген Динара Сәдуа­қасо­ва 6,5 ұпаймен күміс медальді мойнына тақты. Әлем чемпионы атанған қар­шадай үш қызымыз тоғыз тур­дың бәрінде жақсы өнер көр­сетті. Бірде-біреуінде жеңіл­ген жоқ. Жансая мен Әсел бір-бір партияларын ғана тең ой­на­ды. Ал Әнел Алтайбек, Диана Асаубаева, Рамазан Жалмаханов пен Ринат Әміржанов та шаршы тақта үстінде үлкен шеберлік көрсетіп, қола жүлдені же­ңіп алды. Сөйтіп, коман­да­лық есепте қазақтың балғын шах­матшылары бас жүлдеге қол жеткізді. Осы тұста жоғарыда аталған ұл-қыздарымыздың командаға қосқан үлесі қомақты екенін ай­ту керек. Әсіресе, бойлары үс­телге әрең жететін қыздары­мыз­дың сағаттар бойы аяқта­ры­ның ұшымен тұрып-ақ әлем чем­пионы атанады деген жергілікті шеберлерден айласын асыртып кеткені – бір ауыз сөз­бен жеткізуі күрделі үлкен еңбек. Ұлттық құраманың жас ше­берлерінің бұл жетістіктері осы­мен бітпейтіні сөзсіз. Өйт­кені, арамызда еліміздің атын шығаратын балғын шах­мат­шылардың үлкен шоғыры өсіп келеді.