Академикке құрмет

Лев Гумилев атындағы Еуразия ұлттық университетінде жыл сайынғы Ильенков оқуларына орай өткен «Философия және мәдениет» атты ХІІІ халықаралық ғылыми конференцияның ая­сында академик Жабайхан Әбділ­дин атындағы аудиторияның ашылу рәсімі өтті Эвальд Ильенков кеңестік кезеңнің көрнекті философы. Диа­лектикалық дәстүрдің даму этап­та­рын қалыптастырған тұлға. Оның еңбектері әлемдік филосо­фиялық ойдың қазынасына ай­налған. Сөз реті келгенде айта кетелік, 1990 жылы философия ғы­лым­дарының докторы С.Мареев Ильен­ков оқу­ларын өткізу туралы идея тастап, соған орай 1991 жылы Ресейде алғаш рет конференция өткізілген болатын. Содан бері дәстүрге ай­налған жыл сайынғы Ильенков оқулары 1999 жылы халықаралық конференция статусын иемденген. Халықаралық деңгейдегі аталмыш конференция академик Жабайхан Әбділдиннің жетекшілігімен  Қа­зақ­станда тұңғыш рет өткізілді. Бір айта кетер жайт, осы жиын аясында Л.Н.Гумилев атындағы ЕҰУ әлеуметтік ғылымдар факультетінде философия ғылым­дары­ның докторы, профессор Жабайхан Әбділдиннің атын­дағы же­ке аудиторияның ашылу сал­танаты өтті. Академик Жабайхан Әбділдин – 100-ден астам ғылыми еңбек­тердің, оның ішінде отыздан аса монографиялардың авторы. Оның еңбектері әлемнің көптеген елдерінде, атап айтқанда Англия, Германия, Украина, Ресей, Франция елдерінде жарық көрген. Ол Қа­зақстан Республикасы Президенті­нің Бейбітшілік және рухани келісім сыйлығының, сондай-ақ Мемлекетік сыйлықтың лауреаты. Соңғы дизайн үлгісімен салын­ған аудитория іші академик еңбек­терімен жабдықталған. Мұнда Жабайхан Мүбәрәкұлы жайлы ақпа­рат іздеп, еңбек­терімен танысқысы келгендер үшін таптырмас мүм­кіндік барына көз жеткіздік. Онда акаде­мик­тің жас күнінен бергі өмірі то­лық қамтылған. Еңбектері де жетерлік. Әрине, бәсекеге қабі­летті ға­лым мұндай құрметке әбден лайықты. Жұлдыз БАЙДІЛДА.