Таланттылар мен талаптылар

Астанада Тәуелсіздіктің 20 жыл­дығына арналған «Біз – тәуел­сіз елдің дарынды ұрпақ­тары­мыз» атты Дельфийлік ойын­дар өз мәресіне жетті. Қазіргі кезде ұлттық Дельфийлік ойындар көптеген елдерде өт­кізіліп келеді. Қазақстанда ойын­дар алғаш рет 2006 жылы Астана қаласында өтті. Содан бері жыл сайын Білім және ғылым ми­нистрлігінің қолдауымен рес­пуб­ликаның әр облыстарында осы ойындар өткізілуде. Ойындардың басты мақсаты – жас талантқа барынша қолдау көрсету, оларды өзге және өз хал­қының мәдени мұраларын, құн­ды­лықтарын бағалауға шақыру, Дельфийлік ойындардың өсіп өр­кендеуіне, қазақ мәдениетін әлем­дік деңгейдегі биік белестерден көрсетуге атсалысу. Ережеге сәйкес, жастар ара­сындағы бәсекелестікке орай, бір номинацияға екі немесе үш өті­ніш келіп түспеген жағдайда ол номинация сайыстан шығып қа­ла­ды. Биыл Астана қаласы әкім­дігі ішкі саясат басқармасының қолдауы­мен Ұлттық Дельфийлік ойындар осы­мен екінші рет өт­кізіліп отыр. Оған 12 номинация бойынша 300-ден астам сайыскер қатысы. Ол номинациялар фортепиано, скрип­ка, ака­де­миялық ән салу, эстрада­лық ән салу, халық биі, қазіргі заман биі, аккордеон, баян, сондай-ақ қазақ­тың ұлттық аспаптары, атап айт­қанда, дом­быра, қобыз, жетіген жә­не фотосурет, бейнелеу өнері бо­йын­ша жүзеге асты. Сайыскерлердің өнерін әр­түрлі номинациялар бойынша отыздан аса әділқазылар мүшесі бағалады. Әділқазы мүше­лері­нің шешімімен 140 жуық сайыс­кер­лер үлкен және кіші топтар бо­йынша алтын, күміс және қола медальдармен марапат­тал­ды. Ха­лық әндері номинациясы бойын­ша әділқазылар мүшесі Қапаш Құ­лыш: «Сайысқа кіші топ бо­йынша 10 мен 16 жас аралы­ғындағы балалар мен 16 мен 20 жас аралығындағы жас­өс­пірімдер қатысты. Қатысушы балалардың бойындағы талант пен талап, көздеріндегі ұшқын­дары алдағы уақытта одан әрі биік белестерге жетелейді деп санаймын. Әсіресе, 10 жастағы балаларымыз дом­бы­расын алып, ән салғанда бо­йыма ерекше күш орнағандай әсерлен­дім. Осын­дай ізбасарларымыздың барына қуаныштымын», – деп өз ойы­мен бөлісті. Жұлдыз БАЙДІЛДА.