Лаңкестік әрекет емес

Кеше Шынтас тұйық кө­шесіндегі №6 үйдің алдын­дағы алаңқайда орын алған автокөлік жарылысына орай қылмыстық іс қозғалды,  деп хабарлады Астана қала­лық ішкі істер департаменті­нің баспасөз қызметі. Оқиға орнын қараған жедел-тергеу тобы S103ТЕМ мемлекеттік нөмірі бар қызыл түсті, 1991 жылы шыға­рыл­ған «Ауди-100» маркалы ав­то­көлікті және еуропалық нә­сілді екі ер адамның денелерін, оған қоса 1962 жылы Қырғызстанда туған, Павлодар облысы Екібастұз қала­сында тұратын Кельплер Дмитрий Юрьевичтің атына берілген көлік жүргізушінің куәлігі мен аңшылық билет және 1985 жылы туған, бұ­рын ұрлық, алаяқтық жаса­ғаны, сондай-ақ қылмыстық жолмен келген затты сатып алып, сатқаны үшін сотталған Екібастұз қаласының тұр­ғыны Черемухин Иван Алек­сандровичтің атына берілген төлқұжат, сонымен бірге жа­рамсыз болған «Сони-Эрик­сон» маркалы ұялы теле­фонын тапқан. Кімдер екендігі әзірге белгісіз адамдардың өліміне, алдын-ала болжам бойынша түтінсіз, жарықшағы жоқ жа­рылғыш заттың өздігінен іске қосылуы себеп болған көрі­неді. Оқиға болған жерді қарау барысында отқа оран­ған көлік тұрғын үйлер­ден ал­шақта алаңқайда тұрғаны анықталды. Жарылыстың екпінінен кейбір ғимараттардың терезе шыны­лары шытына­ған, ал айнала­дағы көліктерге еш­қандай зиян келмеген. Осы жағ­дайлар лаң­кестік әрекет белгілерін жоққа шығарады. Қазір аталған жарылыс бо­йынша техника­лық сараптама тағайындалып, қажетті тексеру жұмыстары жүргізілуде, дейді Астана қала­лық ішкі істер департа­ментінің баспасөз қызметі. «Егемен ақпарат».