Ынтымақтастық жайы қозғалды

Кеше Қазақстан Премьер-Министрі Кәрім Мәсімов Ливан Республикасының экс-Премьер-министрі, Парламент депутаты Фуад Синьорамен сауда-экономикалық ынтымақтастық мәселелерін талқылады. ТЕЛЕФОН АРҚЫЛЫ СӨЙЛЕСТІ «Украина Премьер-Министрі Н.Азаровпен телефон арқылы әңгімелестім», - деп жазды К.Мәсімов Twitter-де. Сөйлесу барысында екіжақты қарым-қатынас мәселелері, Кеден одағы және Украина арасындағы қарым-қатынас, сондай-ақ Украина Премьер-министрінің Қазақстанға алдағы сапары талқыланды, делінген блогтағы хабарламада. ЖАҢА БАСШЫНЫ ТАНЫСТЫРДЫ ҚазАқпарат /Марлан Жиембай/. Үкімет басшысы Кәрім Мәсімов Дін істері жөніндегі агенттік ұжымына жаңа басшыны таныстырды. Мемлекет басшысының Жарлығымен аталған агенттіктің құрыл­ғандығын айта келе, Премьер-Министр: «Бүгін мен Қайрат Қайырбекұлы Лама Шарифті Дін істері жөніндегі агенттіктің төрағалығына тағайындау туралы қаулыға қол қойдым»,  деді. Сондай-ақ, дін өте нәзік мәселе екендігін баса айтқан Үкімет басшысының пайымынша, мемлекет дінмен байланысты мәселелерде халықтық қозғалыстармен алдын-ала келісуі үшін жауапты саясат жүргізуі керек. Өз кезегінде зор сенім артып отырған Үкіметке алғысын білдірген Қайрат Лама Шариф: «Тәуелсіздігіміздің 20 жылдығы аясында осындай шешім қабылдау, Дін істері жөніндегі агенттік құру – өте жауапты әрі маңызды іс. Сондықтан сіздермен бірге алға қойылған міндеттерді орындаймыз деген сенім білдіргім келеді»,  деді.