Жұмыспен қамту және қолдау

Елбасының биылғы Жол­дауын­да жұмыспен қамтудың жаңа стра­тегиясы белгіленіп, «Жұмыс­пен қамту – 2020» бағдарла­масын әрбір қазақстандықтардың отбасына жеткізу көзделсе, осы тапсырма бүгінде кеңінен жүзеге асырыла бастады. Іле ауданында өткен жиында мәселенің мәні жан-жақты айқындалып, бағдар­ла­маның тұсауы кесілді. Бағдар­ламаның барлық мақсат-міндет­те­рін белгілеген басқосу жұмыс­пен қамтудың жаңа жүйесін талдаумен, түсіндірумен жалғасып, көпшіліктен қолдау тапты. Биыл Жетісу өңі­ріне «Жұ­мыспен қамту-2020» бағ­дарламасын жүзеге асыруға 1 млрд. 176 млн. теңге бөлінген. Аталған қаржы үш негізгі бағыт бойынша игерілсе, бірінші бағыт­та 446 адамды кәсіптік және қай­та даярлау, біліктілігін арттыру жоспарланған. Сондай-ақ, 228 адамның еңбекақысын субсидиялау көзделген. Ал, екінші бағыт­та жеке кәсібін ашатын азамат­тарға микронесиелер берілмекші. Оған 126,3 млн. теңге қарасты­рылса, несие беруді «Жетісу» әлеу­меттік-кәсіпкерлік корпора­циясы жүзеге асыратын болды. Бүгінгі таңда «Жетісу» әлеу­мет­тік-кәсіпкерлік корпорациясы несиелік микроқаржы беруді ұйым­дастырушы ұйым ретінде тіркелген. Халықты жұмыспен қамту мен қолдауға бағытталған бағдарлама аясында қаржы беру аталған мекеме арқылы толық жүзеге асырылмақшы. Несие беру ұйымы Талдықорған өңірінде жүйеленсе, өзге аймақтарда филиал ашу қолға алынуда. Ал, үшінші бағыт бойынша ха­лықты әлеуметтік жағынан қол­дау мақсатында бір ауданнан екінші ауданға немесе бір ауыл­дан екінші ауылға көшіру мәсе­лесі қолданылатын болды. Әлеу­меттік жағынан жеткіліксіз қамтылғандарға арнайы баспана салу да жоспарда бар. Өңірде осындай 6 экономикалық даму орталықтары белгіленіп, алғаш­қы үйлердің құрылысын биыл бастау күн тәртібіне қойылған. Еңбек және халықты әлеу­меттік қорғау министрлігінің жауап­ты хатшысы Тамара Дүйсе­нова облыста 150 отбасы осын­дай талаппен көшіріледі деп болжайды. Сондай-ақ 16 аудан мен 3 қалада жұмыспен қамту орталықтарын ашуға респуб­лика­лық бюджеттен 230 млн. теңге және 221 штаттық бірлік бөлінетінін жеткізді. Бағдарлама шілденің 1-нен басталды. Биыл осындай жүйе­мен өңір­де 6 мың адам еңбек­пен қамтылады деп күтілуде. Алматы облысы.