Жаңа жұмыс орындары ашылады

Атыраудағы мұнай өңдеу за­уытында бастау алған кезекті хош иісті көмірсутектер шығаратын ке­шен құрылысын қытайлық «Си­нопек Инжиниринг» компаниясы жүргізуде. Бұл компания аталған жобаға 1 миллиард 40 миллион АҚШ доллары көлеміндегі инвес­тициялық қаржыны игермек. Ал жоба аяқталғанда жылына 133 мың тонна бензол және бір жылда 496 мың тонна параксилол өнімдерін шығаруға қол жеткізілмек. Шетелдік компания басшы­лы­ғы осы жоба құрылысының жұмыстарына 1700 қазақстандық мамандар мен жұмысшыларды қа­былдауды көздеп отыр. Бұл ту­ралы облыс әкімі Бергей Рыс­қа­лиев пен қытайлық компания басшыларының кездесуінен кейін мәлім етілді. Өңір басшысының айтуынша, бұл мамандар бұрын «Аджип­ҚКО» компаниясының «Бола­шақ» мұнай мен газды кешенді дайындау қондырғысының құры­лыс жұмыстарында шыңдалған­дар. Қазір аталған жоба құры­лысы аяқталуымен шетелдік және қазақстандық жұмысшылар, мамандар жұмыстан қысқартылуда. Енді қазақстандық жұмысшылар мен мамандар Атырау мұнай өңдеу зауытындағы кезекті жоба бойынша ашылатын жаңа жұмыс орындарына тартылмақ. Жолдасбек ШӨПЕҒҰЛ. Атырау облысы.