Нақты ұсыныстар берілді

Кеше Қазақстан Республикасы Қауіпсіздік Кеңесі жанындағы Сараптамалық кеңестің мәжілісі өтті. Күн тәртібі бойынша Қазақ­стан­дағы этнодіни ахуалдың да­муы мәселелері қарастырылды. Қазақстан Республикасы Прези­денті­нің көмекшісі – Қауіпсіздік Кеңесінің Хатшысы М.М.Тәжин талқылау барысында аймақ пен әлемдегі жаңа үрдістер, Қазақ­стан­ның әлеуметтік-саяси дамуы­ның қазіргі жағдайы, мемлекетті ілгерілетудің осы бағытын жетілдіру секілді маңызды мәсе­ле­лер­ге қатысты әңгіме қозғады. Қазақстандағы мемлекеттік-конфессиялық және этносаралық қа­тынастардың қазіргі тұғырна­ма­сын әзірлеу барысында азамат­тық сектор мен мемлекеттік ынтымақтастықтың үйлесімділігі қамтамасыз етілуі тиістігі атап көрсетілді. Мәжілістің қорытындылары бой­ынша Сараптамалық кеңес та­рапынан нақты ұсыныстар берілді, олар Қазақстан Респуб­ли­ка­сы Қауіпсіздік Кеңесі мен Қауіпсіздік Кеңесі ведомство­ара­лық ко­мис­сиясының алдағы жұ­мыстарында қолданылатын бо­лады.